Рeакцијата на девојче болно од рак, што за првпат добива перика, ќе ви ја стопли душата – за ова вреди да донирате коса (видео)
- Детали
- вторник, 04 октомври 2022
„Конечно сфатив зошто толку се зборува за донирањето коса, насмевката на ова девојче кажува сѐ“ – стои во еден од коментарите под видеото во кое се гледа емотивната реакција на девојче болно од рак што за првпат добива перика.
Честопати слушаме за мали деца што ја донираат својата коса за други деца болни од рак, но ова видео покажува колку тој „мал гест“ им значи на малечките што ја водат најтешката битка во нивните животи.
На социјалните мрежи масовно се споделува видео од насмевката и емотивната реакција на едно девојче болно од рак, што за првпат добива перика.
„Ефектот на донирање коса – Моментот кога ова девојче ја добива новата перика... Нејзината насмевка говори сѐ. Беше убава и претходно, а убава е и сега“ – стои во описот до видеото.
Погледнете го видеото:
Инаку, во коментарите голем број родители го споделија сопственото мислење, па така една мајка напиша:
„Таа насмевка. Ова ме натера да помислам на моментот кога мојата 13-годишна ќерка ја донираше својата коса. Таа плачеше затоа што никогаш претходно не ја скратила косата, а фризерката ѝ велеше: ‘некое девојче ќе биде многу среќно затоа што ќе ја добие твојата коса’.“
„Да бидам искрена, никогаш не го сфаќав чинот на донирање коса – но сега ми е јасно. Колку е убава нејзината насмевка? Можете навистина да видите колку ѝ значи“ – стои во друг коментар.
Инаку, дечињата во целиот свет, па и од Македонија со години наназад ја растат сопствената коса и ја донираат за дечињата што ја загубиле додека се борат со ракот.
Видеото е уште еден доказ за тоа колку малиот гест може да им значи и да им ја врати насмевката на лицето додека се борат со тешката болест.
Б. С. Б. | Црнобело
Би можело да ве интересира:
Препорачуваме
Најчитани неделава
