Жена била сурогат мајка за другарка ѝ, која не можела да остане бремена поради рак на матка

Детали

вторник, 18 октомври 2022

„Две седмици пред дијагнозата, мојот живот беше нормален, немав никакви болки и одеднаш фокус стана мојот рак... Никогаш не мислев дека ќе добијам дете на овој начин, но сега мојот син е тука, прекрасен е и јас сум пресреќна“, споделува Кеси Буш (32) од Англија.

Кеси Буш (32) од Англија во 2016 година добила дијагноза рак на матка. На доктор отишла поради крварење и ѝ кажале дека има рак, но и дека ракот веќе бил во понапредна фаза и почнал да се шири, па третманот со хемотерапија и радиотерапија ќе ѝ предизвика менопауза и таа нема да може да го износи своето дете.

Затоа пред третманот, Кеси, која била во врска со Џек (31), донела одука да замрзне јајце клетки и ембриони за еден ден да може да има деца.

По месеци хемотерапија и радитерапија, Кеси била чиста и наскоро почнала да бара сургат мајка, кога нејзината пријателка Беки Сидел (31) се понудила самата да го износи нивното бебе.

Трансферот на ембрионите бил направен кај Беки, која забременила од прва во септември 2021 година.

Беки веќе била мајка на две деца, па ова била трета бременост за неа.

Бремeноста поминала без проблем и таа го родила синот на Кеси и Џек во мај годинава.

Кеси за британските медиуми вели:

„Две седмици пред дијагнозата, мојот живот беше нормален и одеднаш фокус стана мојот рак и почнав да размислувам за мојата иднина.

Не ни се веруваше кога Беки самата ни се понуди да го носи бебето за нас. Многу сме ѝ благодарни на неа и на нејзиниот сопруг Џејми - го имаме нашето мало човече благодарение на нив.

Кеси, која воопшто немала никакви болки, пред дијагнозата рак на матка, вели дека не верувала дека ова е можно.

„За време на третманот за рак постојано си се шминкав, дотерував, славев Нова година и правев нормални работи. Моето семејство ми беше одлична поддршка и Џек постојано ме носеше на прошетки и се трудеше да ме развесели, кога ослабев многу за време на хемотерапијата.

Тоа беше тешко време за мене, но со поддршката поминав добро.

Моето тело мина низ многу промени и конечно се чувствувам повторно своја.

Беки направи да се чувствуваме како дел од целата бременост, одевме на сите докторски прегледи со неа и вечно ќе ѝ бидам благодарна за ова неверојатно дело. Едноставно, не можам да ѝ заблагодарам доволно.

Никогаш не мислев дека ќе добијам дете на овој начин, но сега тој е тука, прекрасен е и јас сум пресреќна за моето неверојатно семејство.“

С. С. | Црнобело