Илон Маск влезе со мијалник во Твитер и почна да дели откази + отпуштена жената што му стави доживотна забрана на Трамп (фото+видео)

Детали

петок, 28 октомври 2022

„Влегов во Твитер, нека ви влезе во глава“ – Илон Маск влезе во седиштето на Твитер со мијалник во раце, а на социјалните мрежи масовно се шири фотографијата од отпуштањето на жената која му даде доживотна забрана на Доналд Трамп на Твитер.

Илон Маск застана на чело на Твитер и со тоа доби власт на највлијателната социјална мрежа во светот.

Според информациите објавени во светските медиуми, набрзо откако го финиширал договорот вреден 44 милијарди долари, Маск веднаш почнал да дели откази.

Играјќи си со двојното значење на зборот „sink in“ на англиски (sink како мијалник и sink in како влегува во глава), Маск упати јасна порака до сите оние што се противеа на неговото преземање на социјалната мрежа.

На неговиот Твитер профил е објавено кратко видео на кое се гледа како влегува во компанијата со мијалник и во описот пишува:

„Влегувам во седиштето на Твитер, нека ви влезе тоа во глава“.

На црната листа на Маск се најде генералниот директор на компанијата Параг Агравал, како и двајца други извршни директори.

На социјалната мрежа се споделуваат фотографиите од моментот кога Маск ја отпуштил и Виџајa Гаде шефицата за правни прашања и политика, која стои зад доживотната забрана на Доналд Трамп за користење на Твитер.

Маск изјави дека планира да воведе новини во начинот на којшто се модерираат содржините на социјалната мрежа со цел да се обезбеди максимална „слобода на говор“.

Тој рече дека не се согласува со политиката на Твитер за доживотна забрана за оние што повеќекратно ја нарушуваат политиката на социјалната мрежа, па така се очекува дека голем број претходно блокирани, контроверзни корисници на мрежата би можеле повторно да добијат свои профили.

Се очекува дека прв што ќе добие дозвола за користење Твитер ќе биде поранешниот претседател на САД, Доналд Трамп.

Во меѓувреме Илон објави фотографии на кои се гледа како во неформално издание има состанок со вработените во кафетеријата на седиштето на Твитер.

Б. С. Б. | Црнобело