Силно невреме во Солун и голем дел од Грција - поплавени улици, искорнати дрвја и затворени училишта (фото)

Детали

четврток, 01 декември 2022

Неколку општини во Грција останале без струја и вода, а училиштата на островот Скопелос се затворени поради силното невреме што зафати голем дел од државата, вклучувајќи го и Солун.

Многу области во Грција, вклучувајќи го и Солун, се зафатени од силна бура наречена Ариел која на некои места предизвика и прекини на електричната енергија.

Грчките медиуми споделуваат дека покрај прекините на електрична енергија, некои општини останале и без вода.

Силните ветришта предизвикале материјална штета, а пожарникарите веќе биле на терен за да ги отстранат паднатите дрвја.

Жителите добиле предупредување за бурата уште вчера – 30-ти ноември – а грчките медиуми споделуваат дека интензитетот на бурата ќе биде голем и денес.

Покрај Солун, бурата зафатила дури и дел од Крит, додека на островот Скопелос била донесена одлука за затворање на основните и средните училишта бидејќи дел од нив почнале да се поплавуваат.

На Фејсбук страницата Live from Greece, неколку корисници споделија и фотки од штетата што ја предизвикала бурата.

Дел од нив се од Платамона, а дел од Солун:

• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело / фото: Фејсбук