„Секси сум и им помагам на жените да ги фатат мажите на дело при онлајн неверство“

Детали

четврток, 15 декември 2022

„Има многу различни типови на мажи и треба точно да знаеш како да се однесуваш со секој од нив. Некои се паметни, некои наивни, некои чудни. Јас сум многу интуитивна. Им го гледам профилот на социјалните мрежи и веднаш знам за каков тип на личност станува збор.“

Меделин Смит (30) од Лос Анџелес вели дека одлучила да им помага на жените да ги фаќаат своите неверни партнери на дело и тврди дека досега на повеќе од 1.000 жени им помогнала во тоа.

Таа онлајн им праќа љубовни мамки на мажите и вели дека се инспирирала од телевизиското шоу „Cheaters“, кое ги лови луѓето на дело при неверство.

Меделин, која има партнер, вели дека има неколку телефонски броеви и многу профили на социјалните мрежи, креирани за оваа намена.

Вели дека цените варираат во зависност од ситуацијата, но започнуваат од 30 долари, па нагоре. Прифаќа и анонимни барања, а својата работа ја нарекува изведување на „тест за лојалност“.

„Има многу различни типови на мажи и треба точно да знаеш како да се однесуваш со секој од нив. Некои се паметни, некои наивни, некои чудни.

Јас сум многу интуитивна. Им го гледам профилот на социјалните мрежи и веднаш знам за каков тип на личност станува збор.

Некогаш ми се потребни само 5 минути за мажот да наседне на мојата онлајн мамка, а некогаш неколку дена, но мора да признаам дека имало и мажи кои се верни и ме игнорирале.

Сепак, најчесто девојките и жените кои ми се обраќаат имале некој инцидент или сомневање со партнерот претходно, па потребни им се одговори.

Еве последниот падна на тестот, па покрај пораки, како доказ имав и видео снимки кои си ги праќавме со него.

Мислам дека жените заслужуваат да ја знаат вистината.“

С. С. | Црнобело