Бизарно: Жена се венчала со затвореник кој отслужува 20-годишна казна за силување

Детали

четврток, 19 јануари 2023

Џема од Шкотска се венчала со Лајонел – маж кој отслужува 20-годишна казна затвор за силување. Тие се запознале онлајн и сега се надеваат дека Лајонел ќе биде ослободен порано, а двајцата тврдат дека ја имаат целата поддршка од нивните семејства. Бизарно, зарем не?

Џема Васкез која живее во Глазгов, Шкотска, за Daily Mail откри дека стапила во брак со маж кој отслужува 20-годишна казна затвор за силување.

Сопругот Лајонел ја отслужува казната во Вирџинија, САД, односно на растојание од над 5.000 километри од Џема.

Силувачот Лајонел бил затворен во 2011 година, а Џема се надева дека ќе биде ослободен во наредните 3-4 години поради добро однесување во затворот.

„Љубовта може да се роди без разлика кои сте. Тој, едноставно, ме исполнува“, открива 31-годишната Џема за Daily Mail.

Парот се запознал преку мајката на Лајонел која е професорка по шпански – Џема одела кај неа на часови.

Најпрво тие се допишувале онлајн, а во април минатата година, Џема отишла во Вирџинија за да го посети.

Таа останала во САД повеќе од еден месец и имала дозвола да го гледа Лајонел три часа секоја недела.

„Уште имам пеперутки во стомакот секогаш кога ќе ми се јави или кога ќе ми напише порака. Се поврзавме веднаш бидејќи имаме иста смисла за хумор.

И двајцата сакаме музика од 90-тите и ги сакаме истите филмови. Никогаш не очекувате вашиот живот да добие ваков пресврт. Отсекогаш мислев дека ќе најдам дечко овде, во Шкотска“.

И затвореникот вели дека е пресреќен со сопругата:

„Одамна копнеев по некој кој ќе ме сака таков каков што сум. Но, секогаш се прашував кој воопшто би ме сакал мене. Никогаш нема да го заборавам денот кога Џема ми ја испрати првата порака. Ја прочитав барем десетпати.

Беше совршено. Имавме толку многу заеднички нешта. Знаев дека ја најдов мојата сопруга“.

Три месеци по првата средба во живо, Лајонел ја побарал Џема за жена преку телефон.

Тие планирале да се венчаат на Нова година, но затвореникот решил да ја изненади. Па, кога таа била во САД во декември минатата година, тој ја пречекал со свештеникот кој ги венчал.

Џема открива дека на церемонијата присуствувале и двајца стражари кои им дозволиле да се бакнат.

Џема не открива што мисли за злосторството на сопругот, но тврди дека има поддршка од семејството. Таа вели дека сакаат да живеат во Шпанија или Мексико откако Лајонел ќе биде пуштен на слобода.

„Се надеваме на добра иднина. Навистина не знаев како ќе функционира нашата врска бидејќи тој е затворен толку далеку од мене, но ете, се вљубивме“.

И Лајонел едвај чекал да го почнат заедничкиот живот:

„Откако се венчавме, секој ден ми е како бајка. Целосно сум посветен на љубовта на мојот живот и се чувствувам благословено што ја имам“.

Очекувано, приказната на Џема предизвика лавина коментари:

„Со среќа девојко, ќе ти треба“.

„Значи, таа и осудениот силувач си живееја среќно засекогаш? Што ли мислела…“

„Какви пеперутки во стомакот… Зошто некој би сакал да се сретне со силувач?“

Спирова С. | Црнобело