Фотките од станот на љубовницата на Путин се хит на социјалните мрежи: „Доказ дека со пари не се купува вкус“

Детали

петок, 03 март 2023

„Ова е доказ дека сите пари на светот не можат да ти купат вкус“ - стои во дел од коментарите за фотографиите што поранешната љубовница на Владимир Путин, Светлана Кривоногих ги објави на интернет. Погледнете како изгледа денес домот на хигиеничарката со која Путин наводно добил дете пред 19 години.

За приватниот живот на рускиот претседател Владимир Путин се знае малку, но тоа не ги спречува светските медиуми да шпекулираат за наводните љубовници со кои тој имал тајни врски.

Официјално се знае дека со поранешната сопруга Људмила, Путин има 2 ќерки Марија и Катерина, но се шпекулира дека со поранешната љубовница Светлана Кривоногих ја добил Елизавета Кривоногих, попозната како Луиза Розова (19).

Прочитајте и Факти за „тајното“ дете на Владимир Путин, Луиза Розова: Мајка ѝ води клуб со еротски шоуа, наполни 18 години

Деновиве во руските медиуми се појавија фотографии од станот на поранешната љубовница на Путин, Светлана, а коментарите за него се најразлични.

Имено, сите се збунети од тоа како некогашната хигиеничарка Светлана дошла до богатство од над 88 милиони долари на сметката, а фотографиите од нејзиниот дом предизвикаа лавина од реакции на социјалните мрежи.

„Изгледа како да треба да се изнајмува на час“, „Овој стан е злосторство“, „Ова е доказ дека ниту сите пари на светот не можат да ти купат вкус“, „Ужасно и кич, но барем има светлина“, „Зошто го ставиле телевизорот на радијаторот?“ – стои во дел од коментарите.

Фотографиите од домот на Светлана се објавени на веб страна на компанија за изнајмување на недвижности во Санкт Петерсбург во Русија, а станот се изнајмува по цена од 700.000 рубљи (околу 9.000 евра) месечно.

Наводно, поранешната љубовница на Путин го купила станот во 2004-та година, односно непосредно по раѓањето на тајното дете на Путин, а денес се проценува дека чини околу 300 милиони рубљи (над 3, 7 милиони евра).

На социјалните мрежи најмногу внимание привлече италијанската дизајнерска фотелја што треба да наликува на гасеница и е прекриена со златен материјал.

Станот има 4 ката, со лифт што меѓусебно ги поврзува, 3 спални соби, 5 тоалети, бар, домашно кино, гаража – но многумина се сложни дека ретко кој би прифатил да живее во ваков кич.

Повеќе фотографии на следната страница...