Носталгија за едно минато време – се грижевте ли вие за ваков Тревко?

Некои го викаа Тревко, а оваа декоративна пченица беше совршен начин за децата од најмали нозе да се научат да се грижат за растенијата во домот и да станат поодговорни. И денес може да се најде да се купи вакво растение, но новите верзии имаат и чаша во која децата треба да залеваат вода.

Некои купуваа Тревко за да се грижат за него, а некои го изработуваа сами со помош на родителите.

Децата требаше со вода секој ден да ја залеваат пченицата што се наоѓа на врвот на неговата глава, а потоа имаа можност да видат како му расте зелена коса.

Секако, тие што чувале знаат колку требале да внимаваат да не истурат вода насекаде и да не направат поплава околу нивниот Тревко (особено ако тој се наоѓал на дрвената масичка покрај прозорецот или во мојот случај на стариот телевизор).

И денес во некои продавници може да се најде вакво украсно растение, и истовремено тоа може да биде одлична декорација во домот, но и можност за децата да научат од најмали нозе како да се грижат за растенијата.

Со помош на Тревко научивме како од зрното на пченицата расте растение, дека е неопходно секојдневно да водиме грижа за него и да бидеме одговорни, но и да го потстрижуваме, тогаш кога тревата ќе стане преголема.

За да го изработите сами, потребни ви се хулахопки, струготини од дрво (или пелевина), зрна пченица и копчиња за очи.

Освен како човече со голем нос и очи, некои го изработуваат и во форма на еже.

Погледнете повеќе фотографии од популарниот Тревко во продолжение: 

Б. С. Б. | Црнобело