„Го пронајдов стариот дневник за готвење на мојата баба – пиварки, орасници, торта со ореви“

Порано вкусот на тестото кое било испечено во старата печка на дрва, оревите набрани од градината и домашниот џем биле сосема доволни за да се приготви колач и истиот да ги воодушеви гостите.

Го пронајдов стариот дневник за готвење на мојата баба. Вистински времеплов на вкусните старински колачи кои биле главна атракција кога таа пречекувала гости.

Порано да се оди на именден или слава била голема чест, но уште поголема била честа за домаќинката да ја спреми софрата со највкусните јадења и да се покаже пред гостите.

Дојде време каде марципанот стана услов за да ја имате најубавата торта. Време во кое децата треба да имаат роденденска торта на пет ката, а домаќинките на славите да се натпреваруваат која подобро ќе ги украси колачите.

Некогаш сево ова било далеку непотребно, се ценел вкусот и трудот на жената, додека ние денес живееме во време каде сѐ повеќе го цениме изгледот на колачите и беспотребно се натпреваруваме.

Порано вкусот на тестото кое било испечено во старата печка на дрва, оревите набрани од градината и домашниот џем биле сосема доволни за да се приготви колач и истиот да ги воодушеви гостите.

Па така, јас денес одлучив да ве однесам на софрата на мојата баба. Ќе имате прилика да ги видите колачите кој се правеле тогаш, оние старинските кои ја отсликувале секоја жена како права домаќинка.

Посни колачи наречени „Пиварки“

Денес можеби малку подзаборавени, но со уникатен вкус.

Доколку би требало да ви ги опишам тогаш само би ви рекол, крцкаво тесто во кое се додава и пиво.

Исполнето со домашен џем од сливи или кајсии и по некој орев. А одозгора наросени со шеќер во прав од кој можете прсти да излижете.

Старинска торта со ореви

Ретро торта која била главна атракција на сите веселби поради тоа што изоблувала со многу ореви.

За нејзинот вкус воопшто не треба да разговараме бидејќи е уникатен.

Орасници

Сигурен сум дека секој има слушнато за овие традиционални колачи направени од многу ореви.

Ова биле колачите кои ја отсликувале особено чорбаџиската софра поради големата количина на ореви.

Оттогаш па сѐ до денес тие станаа традиционален десерт за секоја пригода.

Старинска торта со вино

За љубителите на виното еве уште една ретро торта направена со помош на вино.

Мојата баба ја сечеше во форма на штангли и ја послужуваше во вид на колачи за секоја визита и слава.

©CRNOBELO.com Забрането преземање и копирање. Крадењето на авторски текстови е казниво со закон.

А. Б. | Црнобело / фото: pexels.com