Скришно ми даваше пари, не прифаќаше дека не сум гладна - Зошто сум среќна што пораснав со баба?

Кој растел со баба, знае како таа скришно дава пари, чиниш е наркобос. Далеку од очите на дедо, мама и тато, со банкнотата свиткана и превиткана да ја собере во затворена дланка. Те викаат со поглед, ти даваат пари и слатко ти намигнуваат. И тоа без причина, секоја баба сака да си ги разгалува своите внучиња.

Кој како дете растел со баба и дедо, почувствувал што е права љубов и, како и јас, сигурно не слушнал „не“ без разлика што и да побарал.

Мојата баба се откажа од своето работно место да се грижи за своите внуци. Уште од пелени, јас, мојата сестра и моите братучеди растевме со баба ми, која успешно се снаоѓаше со четири палавковци по дома.

Бабите се непресушен извор на посветеност и грижа и сè што прават за своите внуци, го прават со огромна доза љубов. Тие постојано ја покажуваат својата наклонетост кон своите внуци, не штедејќи ја ниту својата енергија, ниту финансиите, ниту емоциите.

Скришно даваат пари, како дилери

Кој растел со баба, знае како тие скришно даваат пари, чиниш се наркобосови. Далеку од очите на дедо, мама и тато, со банкнотата свиткана и превиткана да ја собере во затворена дланка.

Те викаат со поглед, ти даваат пари и слатко ти намигнуваат. И тоа без причина, секоја баба сака да си ги разгалува своите внучиња.

Не прифаќаат дека не сте гладни

За мојата баба, а верувам и за сите други баби, важи непишаното правило - не прифаќаат дека не сме гладни.

Нашите баби со брзина на светлината успеваат да ни дотурат уште едно парче месо, колаче, млеко или чај, без да ни дадат можност да кажеме не.

Секој ден за нив е само уште една причина да ја наполнат трпезата со највкусни домашни јадења и, мора да признаеме, бабите највкусно готват.

Секогаш кога баба ми месеше леб или крофни, ни даваше по парче тесто на сите за да ѝ „помагаме“. Всушност, тоа беше само трик за да бидеме зафатени и да се чувствуваме важни и големи.

Од тие игри со тестото, се роди и мојата љубов кон месењето, па многу често се обидувам да ги креирам и копирам нејзините мајсторски дела од брашно.

Продолжува на следната страница...