Шолји со кравичка, чинии со сина линија – Како изгледаа сервисите за кафе и јадење во Југославија?

Дали сѐ уште поседувате некои од овие шолји и чинии? Во времето на Југославија, домовите беа уредени во речиси ист стил, а сите ги имавме истите сервиси кои денес будат носталгија. 

Оние кои растеле и живееле за време на Југославија велат дека тоа било златно време за сите граѓани од овие простори.

Работникот бил заштитен и ценет, имало работа за сите, а се заработувало доволно за пристоен живот.

Домовите беа уредени во ист стил и со ист мебел.

Скоро не постоеше куќа во која нема барем една ваза, керамички шолји, чинии или пак сет за зачини од познатата фабрика Југокерамика.

Покрај ексклузивните серии кои пошироката јавност ги нема видено, овде се произведувале и чинии и чаши за кетеринг. Сервисот со сина линија, стана симбол на „социјалистичкиот“ туризам. 

Немаше куќа, училишна кафетерија, хотел и ресторан каде храната и пијалаците не се послужуваа во овие чинии и чаши.

Фабриката се затворила во 2009 година, а во Музејот на уметности и занаети во Загреб донирала околу 400 предмети и богата документација со оригинални скици и дизајни.

Освен овие, хит во тоа време беа и сервисите со цветни дезени.

Ги паметите ли шолјите и чиниите со кравичка? Секое дете поседуваше по една. 

Во овие шолји и чинии всушност се продаваше еурокрем, а потоа се користеа со години.

фото: Инстаграм

С. Ш. | Црнобело / фото: Инстаграм