Тони Зен за CRNOBELO лексикон: „Ме фати срам по првиот бакнеж“

Детали

петок, 04 април 2025

„Украдов бостан од десет кила од едно пазарче, тоа е најголемата беља што сум ја направил како дете“ - напиша Тони Зен во нашиот лексикон. 

Еден од нашите најпопуларни рапери, Тони Зен, е дел од домашната музичка сцена преку 20 години.

За сето ова време неговата популарност не само што не спласна, туку тој создаде хитови со кои растеа неколку генерации.

Низ годините, Тони го менуваше стилот на песните, а сепак остана доследен на себе и тоа што го работи.

Тони се потпиша во лексиконот на CRNOBELO.com и овој пат ни откри интересни работи за себе кои не ги споделува многу во јавноста:

1. Како се викаш и дали имаш прекар?

Тони Петковски - Зен.

2. Колку години имаш и што си во хороскоп?

21.07.1983, Рак во хороскоп.

3. Која ти е омилена песна? А пејач и пејачка?

Немам такво нешто.

4. Имаш ли омилена книга?

„Патот на Зенот“ од Алан Вотс.

5. Омилен глумец, глумица, филм, серија?

Повеќе се, немам омилен или омилена, исто и за филм и серија.

6. Имаш ли омилен спорт, клуб, спортист? За кого навиваш?

Скијање ми е омилен спорт, има повеќе скијачи што ми се фаворити , како во алпско, така и во фрирајд натпреварувањето.

7. Имаш ли милениче? Како се вика?

Имаме куче, Алф се вика.

8. Која е најчудната/најсмешната порака што си ја добил на Инстаграм?

„Те поштуем брат, ти си мој голем фан (ха-ха)“.

9. Што сакаше да бидеш кога ќе пораснеш?

Ски инструктор, рапер/диџеј.

10. Кој ти е омилениот пијалак? А храна?

Пица и пиво.

11. Кој ти е најдобар другар/ка? Колку долго се дружите?

Сите другари ми се најдобри другари.

12. Каков ученик беше? Кој ти беше омилен предмет?

Бев добар ученик, нормално дека физичко ми беше омилен предмет.

Тони е момчето во жолт џемпер

13. Кој ти е идол (а да не е позната личност)?

Немам идоли.

14. Кога би можел да си лик од цртаните, кој лик би сакал да бидеш?

Радован Бохоушек.

15. Кои ти беа најомилени игри во детството?

Граница, долга магарица, жмурка, народна, џамлии...

Тоние е горе десно, во црвената блуза

Продолжува на следната страница...