Зошто луѓето во Македонија порано беа повитки?

фото: Инстаграм РетроСкопје

Тие не броеја калории, но ретко јадеа меѓу оброци.

Не вежбаа во теретана, но одеа пешки насекаде.

Немаше достава „од врата до врата“, па телото секојдневно трошеше калории одејќи по потребните производи.

Порано брзата храна не беше секојдневие, туку се готвеше дома со здрави состојки.

Тие не купуваа благи задоволства, туку си правеа домашни торти и колачиња.

Повеќе се вршеше физичка работа, а помалку се седеше пред екрани.

Немаа „здрави“ грицки во чантата, туку се велеше: „Ќе ручаме кога ќе стигнеме дома“.

Фрижидерите беа мали, продавниците поретки и немаше храна на секој чекор. Се купуваше според потреба, не по навика да се натрупа храна.

Се јадеше што нуди сезоната и немаше јагоди во декември или лубеница во ноември.

Се переше облека рачно, се месеше леб, а домашната работа значеше физичка активност.

Оброците се споделуваа со семејството, без телефони и телевизија, што значи побавно јадење, свесност и ситост со помалку храна.

Наместо видеоигри и телефони, децата трчаа, играа на улица, возеа велосипеди, со што уште од мали трошеа повеќе енергија.

Алкохол се пиеше по повод, не секој ден, со што се избегнуваа „скриени“ калории.

Иако животот беше тежок, се одмараше повеќе навечер, и стресот не беше толку голем.

Денес живееме побрзо, јадеме почесто, седиме подолго. А порано луѓето, без посебен напор, живееја она што денес го нарекуваме „здрав стил на живот“.

С. С. | Црнобело