Уште 12 слатки детски одговори

Ако вие немате одговор на некое едноставно прашање кои децата ви го поставуваат, тука започнуваат фантазиите и склопувањето на чудни логички следства. Насмејте се до солзи со уште 12 детски одговори, кои реално на вас немаше да ви паднат на памет.

1. Изненадување е кога сакаш да јадеш колачиња, а некој друг веќе ги изел наместо тебе. Е тоа е изненадување!

2. Изобилие е некоја билка што се набива во земјата, па потоа само избива и има неколку листови кои се јадат, но не е вкусно затоа што е слично на спанаќ.

3. Моќен е некој кој нешто матка.

4. Карактер? Тоа е спорт. Мојот брат е карактерист.

5. Хоби е нешто бесплатно што те чини скапо.

6. Политика? Тоа се луѓе што зборуваат чудни нешта, само за другите да помислат дека се паметни.

7. Евро? Тоа е исто што и еурокрем, само што е во помала тегла.

8. Докторот на наука не ти кажува да отвориш уста, тој само зборува.

9. Компјутерот е предмет кој служи за мама и тато да не спијат веќе заедно.

10. И тужибабите се луѓе. Само тие се од оној тип на луѓе што кога ќе ги удриш веднаш трчаат и раскажуваат, а немаат ништо на нив за тоа да го докажат.

11. Кафето е јадење за возрасни кое служи за растење на опашки кај децата.

12. Осамен си кога мислиш на домашна работа и кога мислиш дека никој не те сака освен неа.