Во животот заслужуваш личност која...

Заслужуваш љубов и сигурност, топлина која ти го грее телото и срцето истовремено. Заслужуваш да знаеш дека личноста која е до тебе сака да биде токму таму каде што е.

Ова е посветено на онаа личност која секогаш ќе биде на твоја страна, ќе ги води твоите битки заедно со тебе затоа што знае дека истото ќе го добие за возврат.

Затоа, не заслужуваш ништо помалку од личност која ќе се смее на твоите шеги и ќе ти се насмевне кога ќе види среќа во твоите очи.

Заслужуваш некој кој ќе ти носи кафе во тмурните и сончеви утра, затоа што совршено ја разбира твојата зависност од кофеин.

Заслужуваш некој кој ќе ги подава рацете кон тебе, постојано. Тие можеби нема да бидат совршени, но знаеш дека ти припаѓаат тебе. И нема да допрат никој друг, барем не како што те допираат тебе.

Заслужуваш некој кој нема да те натера да заплачеш. Човек си и длабоко во себе имаш милион чувства кои некогаш ќе завршат со една, но некогаш со стотици солзи. Сепак, до тебе заслужуваш да имаш човек кој ќе те прегрне додека невремето не запре.

Заслужуваш извинување, заслужуваш простување. Сè додека ги даваш истите.

Во животот заслужуваш некој чиј допир ќе те тера да почувствуваш огномет низ телото, кој ќе те натера да ги отвориш очите широко, а за момент да ја замолчиш устата.

Заслужуваш некој кој упорно ќе те турка сè додека не го извлече најдоброто од тебе или од можноста која ти е дадена.

Заслужуваш некој кој заедно ќе сонува со тебе, ќе патува, ќе фантазира. Заслужуваш личност која ќе ти го подари своето време, своето внимание, својата удобност додека е со тебе.

И сето ова го заслужуваш само ако трае до крајот на животот!