Поучна приказна за парите и вистинските животни вредности

Дури и скршени, повредени и демотивирани, вие нема да ја изгубите својата вистинска вредност.

Еден човек застанал пред голема група луѓе и во раката држел банкнота од 1.000 денари. Потоа ги прашал луѓето:

„Кој од вас ја сака оваа банкнота?“

И луѓето почнале да креваат рака. Потоа човекот рекол: „Пред да ви ја дадам банкнотата, дозволете ми да го направам следново“.

Ја земал банкнотата и ја истуткал, а потоа повторно ја кренал горе и прашал кој ја сака сега. И понатаму сите раце биле во воздух.

Потоа човекот ја земал истутканата банкнота и почнал да ја гази, па таква истуткана и нечиста, повторно ја покажал и прашал кој ја сака.

Рацете повторно биле кренати, без оглед што банкнотата била во таква состојба.

Потоа рекол: „Пријатели, мислам дека денес научивме нешто многу важно. Без оглед што направив со парите, вие и понатаму ги сакате, бидејќи и покрај сѐ тие не ја изгубија својата вредност, сѐ уште вредат 1.000 денари. И ние во животот често ќе бидеме истуткани, прегазени, повредени и на дното.

Но, и покрај тоа што ќе се случи со вас, никогаш нема да ја изгубите својата вистинска вредност. Нечисти или блескави, вие секогаш ќе бидете непроценливи, особено за оние кои ве сакаат“.

С. С. | Црнобело