Знаеш, всушност љубов е да сакаш да ја направиш среќна!

Љубов е... да ја прегрнуваш силно кога очите на тага ѝ мирисаат, а таа молчи.

Не е љубов да ѝ нагласуваш што сѐ си направил за неа,

Не е љубов да ѝ правиш споредби колку повеќе се вложуваш во врската од другите мажи,

Не е љубов да ѝ велиш дека сите желби и каприци ѝ ги задоволуваш,

Не е љубов да ја прегрнеш кога ќе ти каже дека има потреба од тоа.

Љубов е да сакаш светот да ѝ го подариш на дланка,

Да правиш работи за неа затоа што сакаш, а не затоа што така треба,

Да ја прегрнуваш силно кога очите на тага ѝ мирисаат, а таа молчи,

Да ѝ кажеш дека сѐ ќе биде добро, дека заедно сте непобедливи,

Да сакаш да ѝ бидеш најголема потпора во животот,

Да ѝ покажеш дека не сакаш кога ја немаш,

Да ја направиш свесна дека си среќен што токму тебе те љуби.

Љубов е кога исполнувањето на нејзините желби ти е музика за душата,

Кога топло ти е на срцето затоа што знаеш дека за таа нејзина насмевка ти си виновникот,

Кога не ја разбираш ама ја поддржуваш,

Кога ѝ покажуваш дека таа ти е приоритет во животот,

Кога правиш животот да ви е лесен како пердув,

Кога не претвораш сѐ да биде тешко како искачување на планина со бездни,

Кога не бараш аплауз за секое добро сторено дело за неа,

Кога солзата на нејзиното лице ти е најголема казна,

Кога неправдите што ѝ се случуваат ги чувствуваш како свои,

Кога не ја рушиш нејзината замисла дека бајките се возможни.

Знаеш, всушност љубов е да сакаш да ја направиш среќна!

©CRNOBELO.com Забрането преземање и копирање. Крадењето на авторски текстови е казниво со закон.

Автор: С. С.| Црнобело