Mора да минеш низ најлошото во животот за да го цениш најдоброто - нема поинаку

Запомни... Секогаш е најтемно пред зори. Прифати ги трагедиите како дел од животот и учи од нив. Тие те прават посилна личност.

Животот е непредвидлив и никогаш не знаеш што има зад аголот.

Сфаќаш дека на патот те чекаат многу трауми. Ќе го имаш првото лажно пријателство, првото раскинување, првата кавга. Ќе паѓаш и ќе сакаш да се откажеш. Ќе ти изгледа дека тоа е полесниот начин. Ќе бидеш под огромен притисок и ќе ти изгледа полесно да ја прифатиш суровата реалност, отколку да се бориш со неа.

Но, некако ќе пронајдеш храброст и сила за да се извлечеш. Ќе се справиш на нозе. И ќе бидеш решен да се спротивставиш на сè. Наместо да пукаш под притисок, ти ќе му дозволиш на притисокот да те трансформира во посилна личност. Ќе сфатиш дека има лекција во секоја трагедија.

Но, животот ќе те турне повторно. Ќе те удри кога најмалку очекуваш и лошо ќе паднеш. Ќе бидеш подолу од претходно.

Само што овој пат подготвен си да се кренеш и да продолжиш да одиш, без разлика што на себе можеби имаш кал. Сега си отворен, издржлив воин со многу вештини кои си ги развил во текот на годините. Имаш алатки за да си помогнеш. Храбар си доволно да ги надминеш пречките што те заплашуваа.

Твојот страв се трансформираше во самодоверба. Твојата несигурност се трансформираше во одлучност. Сега си нова личност.

Нешто направи „клик“ во твојот ум и ти сфати дека понекогаш треба да минеш низ најлошото за да го цениш најдоброто.

Без разлика дали станува збор за љубов, пријателства, работа, семејство, лични бури, поради тие мрачни и бурни денови ќе ги цениш повеќе сончевите и убави денови.

Запомни дека животот постојано ќе те предизвикува на ужасни начини, но комплетно од тебе зависи како ќе се справиш со тоа. Дали ќе научиш од мигот или ќе му дозволиш да те уништи. Ти самиот си одговорен за својата среќа.

Доста копнееш по среќен крај. Во животот не станува збор за дестинацијата, туку за уживањето во целото патување. Прифати ги трагедиите и учи од нив затоа што тоа е единствениот начин да пораснеш.

Запомни... Секогаш е најтемно пред зори.

Извор