Можеби во животот нема да го добиеш тоа што го сакаш, туку тоа што ти треба...

Можеби нема да завршиш со човекот кој твоето срце го одбрало. Можеби животот не функционира така. Можеби нема да го добиеш она што го сакаш. Можеби ќе го добиеш она што ти треба и можеби Универзумот знае повеќе отколку ти самата.

Можеби љубовта се менува. Можеби од „ќе останам буден и ќе те почекам да ми се јавиш“ преминува во „изморен сум, си легнувам да спијам“.

Можеби од „нема за што да се грижиш“ ќе стане „престани толку многу да анализираш.“

Можеби од „те одбирам тебе“ ќе стане „сега малку морам да се одберам себеси.“

Можеби љубовта не е чувство кое може да расте заедно со некои луѓе. Можеби станувате преголеми за одредени личности.

Можеби љубовта станува премногу непријатна, премногу мала и безначајна, за да се прилагодите на неа.

Можеби е како џемперот кој го обожававте додека растевте, но едноставно го надраснавте.

Учите да ја цените таква каква што беше, но и да го прифатите фактот дека повеќе не ви е по мерка.

Учите да ја пуштите.

И можеби пуштањето на љубовта не е некоја причина за голема, гласна прослава, како светло на крајот од тунелот.

Можеби пуштањето на љубовта од себе е моментот кога сфаќате дека повеќе не можете да го преживувате минатото.

Можеби едноставно тогаш учите како работите се прават тивко и смирено, со лесно срце и мирна глава.

Почнувате да сфаќате дека заминувањето од одредени работи е најдобрата работа која може да ја направите за себе, но и за личноста која ја сакате.

Можеби заминувањето е доживувањето на мир и прифаќање на фактот дека понекогаш работите и луѓето кои те прават среќна - се менуваат.

Можеби е најхрабрата работа која можеш да ја направиш. Можеби, кога заминуваш не ја правиш најголемата грешка во твојот живот.

Можеби, кога ќе решиш да заминеш од едно место – животот допрва започнува.

Извор