Кога ова ќе заврши, никогаш повеќе да не ги земаме „здраво за готово“...

Можеби сте осамени. Веројатно ви доаѓа на моменти да вреснете. Сакате да излезете на воздух. Да одите на училиште и на работа. Да ги прошетате децата во паркот. Да си ги видите пријателите и семејството...

Кога ова ќе заврши, никогаш повеќе да не ги земаме „здраво за готово“:

Ракувањето со сосема непознати луѓе, полните полици во маркетите, долгите разговори со соседите во маалото, лифтот, на паркингот.

Театрите полни со публика.

Излегувањето во петок навечер.

Викендите во парк.

Утринските шеги со колегите.

Фамилијарните ручеци.

Вкусот на дружењето.

Рутинската проверка на здравјето.

Гужвата во сообраќајот секое утро.

Кафето со пријателите.

Песната на стадионите.

Секој здив.

Здодевниот вторник.

Животот.

Кога ова ќе заврши, да станеме луѓе какви што се надеваме дека ќе бидеме и да останеме такви – подобри едни со други, како што нѐ научи „ова лошото“.

Е. П. | Црнобело