Премногу љубезна продавачка

Приказнава сме ја слушнале во неколку варијанти и ја имаа обработено и нашите К-15, но ние сметаме дека вреди да се најде во нашата категорија „Евергрини“.

 

Влегува човек во продавница и ја забележува следната ситуација: продавачката плаче, се извинува со сите сили, а човек стои пред пултот и се дере:

„П**ка ли ти ма**рина,, во животов веќе не влегувам овде! Има да се пожалам кај газдата и да леташ од работа под итно. Ме разбра ли?!“ – и излетува надвор од продавницата.

Овој кој штотуку влегол ја прашува дали и треба помош, а таа ги избришала солзите и со насмевка му рекла:

„Повелете, како да ви помогнам...“

„А, дали сте во ред, да ви помогнам некако?“

„Не не благодарам, се е во ред, повелете...“

„Дали може да добијам еден коверт?“

„Секако! Која големина? Имаме стандардни, големи, помали...“

„Обична, ќе ве молам.“

„А, каква боја? Имаме сини, жолти, црвени, бели, зелени...“

„Ќе ве молам дајте ми сино, но побргу затоа што ќе ми побегне автобусот и ќе доцнам...“

„А, каква сина? Имаме бебешко сина, бледа, темно, морска сина..“

„Ве молам обична сина, но побргу...“

„А, кој облик? Имаме во облик на срце, триаголник, круг...“

„Ве молам обичен правоаголен коверт, но побрзо, автобусот веќе тргнува!“

Продавачката го носи синиот коверт и му вели:

„А, да не ви треба можеби и поштенска марка?“

„Оф, ми треба ајде дајте ми една“ – и гледа како автобусот си заминува...

„А, за внатрешен или меѓународен сообраќај?“

„За во земјата ќе ве молам.“

„А, каква сакате? Имаме со лик на луѓе, животни, природни убавини, знаци...“

„Ве молам побрзо дајте ми со животно.“

„А, со какво животно? Имаме цицачи, птици, влечуги...“

„Ве молам со птица...“

„Имаме со птици грабливки, преселници...“

„Ве молам со грабливка и побрзо!!!“

„А, имаме орел, сокол, јастреб...“

„Ќе ве молам со орел...“

„Имаме со орел како лета, како седи во гнездо, како ги храни младите...“

„Дајте како лета, ве молам...“

„А, имам како лета над кањон, над море...“

„Дајте која било што побргу...“

Во тој момент во продавницата се враќа нервозниот муштерија од претходно со г*мно во раката. Приоѓа кон продавачката, го фрла на касата и вика:

“Еве п**ка ли ти ма**рина, за вакво г*мно ми треба тоалет хартија!“