Не може макијато да ми наплаќаш 90 денари и да ме послужиш со ужасно кафе во шолја со кармин

Не може да ми носиш чаша со остаток од кармин на неа, од некоја претходна клиентка. Не може цедениот портокал да ми го служиш како вода со вкус на портокал со 27 коцки мраз, затоа што штедиш, а ми го наплаќаш како „еден бубрег“.

Ги посетувате ли често кафулињата во вашиот град? Има ли работи кои на дневна база ве вадат од такт?

Мене да!

Дел од најиритантните работи во македонските кафулиња:

Не може макијато да ми наплаќаш 90 (70/80/100) денари и да ми послужиш ужасно кафе затоа што штедиш и го купуваш најнеквалитетното.

Не може тоалетот да биде толку нечист што во најмала рака предизвикува згрозување.

Не може постојано да имаш нов шанкер и секогаш некој на мене да се учи како се прави кафе.

Не може да ми носиш чаша со остаток од кармин на неа, од некоја претходна клиентка.

Не може да не вложуваш ништо во реновирање на ентериерот, а цените да ги зголемуваш како од шега постојано.

Не може цедениот портокал да ми го служиш како вода со вкус на портокал со 27 коцки мраз, затоа што штедиш.

Не може да ми го служиш кафето во исчукани шолји и да не вложуваш во нови.

Не може на масата да има флеки од пред 3 дена и да не ја пребришеш и дезинфицираш.

Не може да служиш салеп, а да немаш цимет кога ќе ти побарам.

Не може да го молам келнерот/ката за да направам нарачка, а потоа да го молам и за сметка да добијам.

Не може да ме крадеш и да ми натпишуваш кафиња на сметката, особено затоа што сум ти редовен клиент (а и да не сум ти – не може!).

Не може менито да ти е старо 10 години, да е извиткано, нечисто и да ми е страв да го допрам.

Не може да не пушташ греалки и да штедиш на струја кога терасата ти е преполна со клиенти, кои ти оставаат пари.

Многу работи не може...

Ама, за жал, во Македонија изгледа сè може.

© CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело