Фала тато што ме научи дека во животот не е најважно материјалното

Фала тато што ме научи:

Дека во животот не е најважно материјалното,

Дека ќе ни останат спомените од дружбите, смеата и патувањата, а не од тоа какви чевли сме носеле,

Дека животот ќе ти биде убав само ако си оптимист и ги прифаќаш работите со насмевка, дури и трагедиите,

Дека секогаш треба да гледаш позитивно, затоа што животот е еден и нема смисла да го потрошиш на очајување и мисли „што би било кога би било“,

Дека е нормално некогаш да ги губиме луѓето кои ги сакаме и дека треба да се справиме со тоа и да продолжиме понатаму,

Дека без пријатели животот не е живот,

Дека изборот на брачен партнер е клучен за дали ќе бидеш среќен,

Дека треба да го работиш тоа што го сакаш, дури некогаш и да не си платен колку што сакаш,

Дека кога работата ти е задоволство – тогаш животот ти е многу полесен,

Дека ако од некаде ти се враќаат нозете, навистина треба да се вратиш назад и да пронајдеш нов пат,

Дека муабет треба да си направиш со секого и секое познанство само те прави побогат,

Дека секое искуство е бесценето, дури и она негативното,

Дека во животот треба да имаш манири, секој сака да мине време со културни луѓе,

Дека треба да патуваш, колку можеш и каде можеш, но треба да патуваш,

Дека поважна е дестинацијата каде одиш и што ќе видиш таму, отколку хотелот да биде со 5 ѕвезди,

Дека пријателствата од дете имаат посебна магија,

Дека целта на секој ден треба да ти биде да си среќен,

Дека нема потреба да се преоптоваруваш со ситници и банални работи,

Дека треба да си силен карактер за да живееш среќен живот,

Дека моќната психа е основата на сè,

Дека ако сам не се направиш среќен човек, никој нема да може да успее во тоа.

Дека на среќниот човек секаде му е убаво, а на несреќниот никаде - тој времето си го троши само барајќи мани,

И дека родителите се клучни за тоа во каков човек ќе израснеш.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело