„Дедо Мраз, сакам да ме посвои руски тајкун и една златна картичка, место златна рипка“

Како прво, оваа година Дедо Мраз те молам или да ме заобиколиш или да почнеш убаво да ми посветуваш внимание.

Сè што барав од тебе досега – не ми донесе. Ниту младоста ми ја врати, ниту ми даде малку повеќе убавина, а како што ми се чини ниту памет, па дури ни здравје.

Залудно ти пишував, сонував, мечтаев и те повикував во ноќите.

Можеби си многу стар, па не ме слушна затоа што не слушаш добро.

Мислам навистина стануваш неодговорен. Тоа што мислиш дека јас сум престара за подароци, ти е погрешен став.

Па, јас сакам подароци најмногу на свет.

Еве вака, ќе ти пишам одново што ми е потребно:

- Сакам 10 дена на Малдиви, сама, all inclusive.

- Автомобил, нов, да биде црвен, бидејќи таа боја потсетува на радост.

- Сакам чанта со 165 прегради, затоа што веќе не можам да се снајдам во хаосов на мојава. Што и да ставам во неа, магично исчезнува и се појавува дури кога не ми треба повеќе.

- Сакам Ерос Рамацоти да ми пее за Нова година.

- Сакам нов капут, видов еден, маааалку е прескап, но те молам, зима е, ми студи.

- Сакам во новата година да ме посвои некој руски тајкун, па да ми купи стан – не мора на Менхетн, може и Белград или во Скопје на Водно. Пентхаус, се разбира.

- Сакам златна картичка кога веќе немам златна рипка, па да си исполнам уште некоја желба.

И ова го пишувам при здрав разум.

Те молам, немој да полудам, па да видиш што сé можам.

- Но, Дедо Мраз не заборавај пред сé си посакувам здравје.

Извор  / фото: depositphotos.com