Фото на денот: Сцена во Скопје освојува срца – за Вања, за Натали, за Симона и сите жени-херои

Неколку млади Македонки за CRNOBELO.com ја раскажаа приказната за својата битка со ракот на дојката. Таа е тешка, макотрпна и потребно е огромна психичка сила. Токму затоа и го поздравуваме потегот на Археолошкиот музеј. За нив и за сите останати жени-борки и херои.

Месец октомври е Светскиот месец за борба против ракот на дојката. Многу се говори на темата, се преземаат секакви акции и на секој начин се вршат обиди да се поткрене јавната свест за важноста на раната детекција на ракот на дојка.

И ние ангажирано учествуваме во борбата за истото и ви пренесуваме неколку искуства на наши соговорнички:

Вања Мицевска се избори со ракот на 26 години: „Имаш рак - се срушив, нозете не ме држеа, но научив важни лекции“

Симона Маџарова се избори со ракот на 28 години: „Мојата помала сестра ми беше најголемата поддршка“

Наталија од Битола се избори со ракот на 26 години: „По хемотерапијата во време на корона, конечно повторно се чувствувам добро во своја кожа“

Потег за поздрав направи и Археолошкиот музеј во Скопје. Одговорните одлучија цел месец да биде осветлен во розово во име на борбата против ракот на дојка.

Ви ја пренесуваме нивната објава на Инстаграм:

„По повод Светскиот месец за борба против ракот на дојката, Археолошкиот музеј цел месец ќе биде осветлен во розова боја во знак на поддршка и подигнување на свеста.“

С. С. | Црнобело