Необичен феномен: Семејство од Турција оди на раце и нозе, наместо исправено

Во руралниот дел на јужна Турција има семејство чие членови не одат исправено, туку на раце и нозе. Експертите дебатираат која е причината за ова, а повеќето сметаат дека станува збор за синдром кој предизвикува проблеми со рамнотежата.

Семејството Улас од Турција е познато по навистина необична карактеристика – дел од членовите одат на сите четири, како што се движат мајмуните.

Семејството, кое живее во рурална област во јужна Турција, првпат го привлече вниманието на јавноста во 2006-та, откако телевизијата BBC објави документарец за нив.

Во документарецот, но и по неговото објавување, бројни експерти дебатираат зошто семејството ја има оваа карактеристика.

Некои сметаат дека станува збор за ген кој е одговорен за начинот на одење, а некои веруваат дека станува збор за синдром или нарушување.

Сепак, бројни експерти истакнуваат дека досега не е пронајден ген кој е одговорен за исправеното одење, па семејството донекаде претставува мистерија.

Семејството го сочинуваат мајка и татко, како и 19 деца кои денес се возрасни. Едно од нив починало. Пет од децата имаат пречки во развојот и тешко им е да одат исправени.

Иако постојат луѓе кои се скептици, експерти велат дека дланките на членовите од семејството се груби, што е доказ дека ги користат при одењето.

Освен тоа што се груби, нивните дланки се развиени како кај секој човек и можат да ги користат најнормално.

Бидејќи уште од најрана возраст оделе на сите четири, денес за нив е практично невозможно да се исправат.

Наводно, со растењето, кај некои деца се развила состојба која предизвикува проблеми со рамнотежата.

Оваа состојба е наследна, па се верува дека затоа децата се адаптирале да одат на сите четири наместо исправени.

Сепак, малку е познато за синдромот и што точно што предизвикува.

Истовремено, сосема возможно е состојбата со рамнотежата да им се влошила бидејќи родителите не ги поттикнувале да одат исправено во периодот кога учеле да одат. Ова, секако, имало влијание врз нивниот развој.

Во документарецот на BBC, експертите се согласуваат дека досега не го забележале овој феномен на друго место, како и дека можеби нема да се појави никаде на друго место.

Во меѓуврме, децата добивале помош од физиотерапевт и бил забележан напредок.

Спирова С. | Црнобело