Стари македонски имиња за девојчиња со убаво значење

Трендовите се менуваат од година во година, но многумина се прашуваат - каде исчезнаа старите македонски имиња? Неколку убави стари македонски имиња за девојчиња, и нивното значење.

Сѐ почесто по парковите може да се слушнат родителите кои своите ќерки ги довикуваат со кратки и звучни имиња.

Во морето интернационални и необични имиња, некои од постарите имиња паднаа во заборав.

Еве неколку од нив:

Деспина - името е со грчко потекло и означува „господарка, владетелка“.

Луѓето со името Деспина се искрени, креативни и духовно силни. Тие се во состојба да надминат многу тешкотии во животот. 

Евдокија - името е со грчко потекло и означува „боговоление, добра волја“.

Личностите кои го носат ова име се вели дека се пријателски наклонети, односно дека го пренесуваат значењето на своето име „добра волја и благонаклонетост“.

Јаглика - името е со словенско потекло и е добиено од цветот.

Oва име порано им се давало на девојчиња доколку куќата е во жалост, на пример, ако таткото починал пред раѓањето на бебето или ако мајката не го преживее породувањето.

Убавка - името е со словенско потекло и значи убава девојка, а соодветствува на латинското име Pulcheria.

Лицата со името Убавка се чесни, креативни и духовни силни. Способни се да пребродат многу тешкотии во животот.

Зорица - е старословенско име и потекнува од зборот „зора“.

Се верува дека името Зорица најмногу го добиле деца кои биле родени во зори. Исто така се верува дека овие деца се капеле во утринската роса и со тоа биле заштитени од сите нечистотии, зли сили и непријатели.

Богданка - името е со грчко потекло, а означува „дар од Бога“.

Личностите кое го носат ова име се сериозни, предани и стабилни.

Ѓурѓица - првично потекнува од грчкиот Γεωργός што значи оној што ја обработува земјата или земјоделец.

Луѓето со ова име се одликуваат со храброст. Тие се убедливи и често успеваат во областа што ја одбрале. 

Ружица - потекнува од латинскиот збор за роза.

Луѓето со ова име се благи, нежни и мирни по природа.

Лидија - ова име се смета дека потекнува од антички грчки збор и значи „родено од Бога“.

Жените со име Лидија се опишани како убави, интересни, впечатливи, инвентивни, јасни и автентични.

С. Ш. | Црнобело / фото: freepik.com