Погрешно vs. правилно: Инфлуенсерка открива трикови за позирање за совршени Инстаграм фотки

Наместо да застанете свртени со грб кон камерата и да се завртите благо наназад, обидете се да направите нешто позабавно - кренете ја едната нога, а со раката играјте си со косата.

Инфлуенсерката Катарина Леал од Португалија ја следат 2,9 милиони луѓе на Инстаграм. Таа, освен што таму споделува фотографии од приватниот живот, често дели и совети за позирање, со кои веќе нема да имате здодевни и обични фотки на вашиот профил.

Овој пат, таа открива како да позирате кога сте во посета на некој нов град и да ги направите вашите фотографии совршени за на Инстаграм.

Наместо само да застанете исправено со чантата во раце пред локацијата што сакате да ја има во позадина, „разиграјте се“ - фрлете ја чантата наназад, а едната нога испружете ја нанапред.

Ако клекнете, наместо да бидете згрчени, испружете ја едната нога нанапред и исправете го телото.

Некаде сте ја виделе позата со едната нога свиткана во коленото и таа е супер, но, наместо да се виткате нанапред, свиткајте го коленото и ногата ставете ја наназад, а потоа исправете го телото и со раката допрете ја петата од стапалото.

Наместо да застанете свртени со грб кон камерата и да се завртите благо наназад, обидете се да направите нешто позабавно - кренете ја едната нога, а со раката играјте си со косата.

Немојте да бидете згрчени и срамежливо да се насмевнувате на камерата. Наместо тоа ставете ги рацете во косата и свртете го профилот кон тој што ве слика - фотката ќе биде одлична.

А. Ј. | Црнобело