Зимски десерт: Пире од костени

Ако сте љубител на костени,тогаш сигурно омилен десерт ви е слаткото пире кое можете да го направите многу брзо и едноставно.

Доколку никогаш не сте имале храброст тоа да го изведете, можеби овој краток рецепт ќе ве разубеди.

Потребни состојки:

• 1 кг костени
• 1 лажица шеќер
• 100 гр путер
• половина шолја млеко
• арома по желба
• шеќер во прав
• шлаг
• чоколадо

Подготовка:

Костените засечете ги и варете ги околу 20тина минути во засладена вода. Откако ќе се сварат, излупете ги. Добиената смеса испасирајте ја, додадете и топло млеко, арома и растопен путер.

По вкус додадете шеќер, во зависност од тоа колку се слатки костените. Сето тоа добро измешајте го и распоредете го во интересни стаклени чашки.

За декорација искористете го шлагот, чоколадото и шеќерот во прав. По желба, можете и да растопите чоколадо и да го додадете во самата смеса.

Уживајте во најубавиот зимски десерт!