Подгответе совршен десерт за луксузно разладување

Со овој специјалитет ве убедуваме дека ќе бидете омилени во друштвото. Можеби звучи луксузно и отмено, но сепак не е така скапо. Потребно е само да подготвите неколку топки освежителен сладолед и да купите едно шише благо, пенливо вино.

За да го подготвите сладоледот потребно ви е:

• 5 шолји свежи боровинки или овошје по желба
• ½ шолја вода
• ½ шолја шеќер
• 1 лажица сок од лимон
  
  

Измешајте ги состојките во миксер и смесата прелијте ја во калапи за сладолед или во пластичен сад. Оставете ја да постои во замрзнувач неколку часа.

Кога гостите ќе пристигнат, извадете го сладоледот и послужете го во високи и тенки чаши. Но, не заборавајте да го полиете со претходно оладено пенливо вино, а по желба може да додадете свежо овошје за декорација.