Како да го отстраните мирисот на цигари од домот?

Не практикувате пушење во домот, но ви дојдоа гости кои ви е непријатно да ги испраќате на терасата? Мирисот на цигари во станот е навистина непријатен. Веднаш се чувствува и не може да се сокрие.

Ако и после проветрување се уште го можете да го насетите, тогаш дефинитивно се впил во предметите.

Постојат неколку методи за отстранување на долготрајниот мирис на природен начин:

1. Оцетот е добар за неутрализирање на миризби. Дрвените предмети одржувајте ги така што ќе ги напрскате на површината со разреден оцет со топла вода и ќе ги пребришете со памучна ткаенина. Тапацираниот мебел бара малку повеќе време, но можете да ја користите истата техника.

2. Пробајте со сода бикарбона. Одлична е за внатрешноста на фиоките – затворете ги полни со сода бикарбона на 24 часа и таа ќе ги впие сите мириси.

Можете да ја користите и за тапациран мебел. Правосмукајте го мебелот и посипете ја површината со сода бикарбона. Оставете да отстои 24 часа и следниот ден исчистете темелно со правосмукалка.

3. Доколку овие две техники не го решат вашиот проблем со мирисот на цигари, обидете се со мелено кафе или активен јаглен. И едното и другото е одлична техника против непријатни мириси.

4. На долг рок, доколку често се пуши во вашиот дом, задолжително е редовно кречење на ѕидовите и пречистување на мебелот со детергент и вода.