Подгответе: Чипс од јаболки

Есента е совршено време за рецепти од јаболки, кои ги има во изобилство. Ова е еден интересен рецепт кој може да биде и забавен и несекојдневен, со кој ќе ги изненадите сите на трпезата. Лесен и едноставен за подготовка, а доколку го пробате може да ни кажете колку е вкусен.

Потребни состојки:

• 125 мл суво бело вино
• 250 мл сок од јаболко
• 20 гр шеќер
• 1 лажичка сок од лимон
• 2,5 гр лимонска киселина
• 1-2 јаболка

Подготовка:

Загревајте го виното околу 1 минута, додадете го сокот од јаболко, шеќерот и лимоновиот сок, загревајте и мешајте го околу 15 минути. Додајте лимонска киселина и малку сол, потоа исцедете го. Измијте ги јаболките, а потоа исечете ги на најтенки можни парчиња, како листови, дијагонално, со дебелина од околу 1 мм.

Ставете ги листовите јаболко во загреаниот претходно подготвен прелив, околу 5 минути, оставете ги да ја впијат од течноста, извадете ги и наредете ги едно до друго во тава која ќе ја ставите во загреана рерна на околу  65° C и оставете го околу 15 минути.

Послужете ги како вкусен десерт , кој можете да го надополните со прелив од мед и ситно сечкани или мелени ореви.