Секој неуспех претворете го во животна лекција

Никој не е роден со прирачник за животот, затоа по неуспехот на момент размислете за она што сте го научиле, а не она што сте го загубиле.

Сите живееме по системот на грешки и обиди. Затоа, кога ќе ја направите следната грешка, одминете ја строгоста и осудувањето кон себеси и поставете си ги овие четири прашања:

1. За што размислував, што правев и како се чувствував додека го правев тоа? Доколку не согледате како одредениот проблем настанал, нема да можете реално да ја согледате целата ситуација. А, таа е клучот за најправилното решавање на проблемот.

2. Кога би можел сè да направам од почеток, како би го направил? Осмислете стратегија до која треба да се држите доколку се најдете во слична ситуација. Не знаете кога следната прилика ќе ви тропне на вратата.

3. Чувствувам ли вина поради грешката? Ако така се чувствувате тоа мора веднаш да го промените. Чувството на вина ве ограничува, па нема да успеете рационално да стигнете до решението по кое долго трагавте.

4. Кои мудрости ги научив? Никогаш не заборавајте ги предностите на сите ситуации во кои се наоѓате. Колку и да ви се чини дека ништо не е како што треба, секогаш имате можност да се развиете од сопствените искуства. Не дозволувајте една грешка да ви го одбележи животот!