Прегратките се лековити

Нема некој што може да одолее на прегратката, да не ја почувствува топлината и убавото чувство на сигурност и задоволство, особено кога е тоа прегратка со драга личност.

Но, прегратките не само што се израз за љубов, пријателство и задоволство, туку можат да бидат и лековити.

Окситоцин е хормонот на среќа и врзување кој најмногу се излачува во текот на породувањето и доењето, а при прегратката расте неговото ниво. Истовремено кортизолот, хормонот на стресот, опаѓа.

Затоа прегратката е благотворна за поправање на расположението и го намалува стресот, а воедно го намалува и крвниот притисок и ризикот од срцеви заболувања.

Најголеми промени во нивото на окситоцинот се забележани при прегратката меѓу вљубените. Меѓутоа и пријателската прегратка има еднакво, но помалку моќно дејство.

Покрај тоа утврдено е дека окситоцинот има силни влијанија во заштитата на срцето кај жените.

Во други истражувања спроведени на скоро 60.000 луѓе во Австралија, научниците дошле до заклучок дека прегратката е благотворна за зајакнување на имунолошкиот систем и ја ублажува болката.

Инаку, прегратката е гест со кој се гради доверба и чувство на сигурност. Долготрајната прегратка го подигнува нивото на серотин, хормонот на среќа и го стимулира тимусот, жлезда која го регулира произведувањето бели крвни зрнца и на тој начин го зајакнува имунолошкиот систем.

Искрената прегратка не може да ви наштети, туку само да ве расположи. Искористете ја секоја можност да гушнете некого и да бидете посреќни.