Направете сами: Креативен лустер за љубителите на вино

Желбата за уникатност, креативноста и вештината може да направат одличен спој на идејата и реализацијата. Секогаш може да најдете начин за да направите нешто различно од она што веќе го имате.

Искористете ја својата имагинација и дел од нашите идеи и совети за да му дадете поинаков лик на вашето секојдневие.

Доколку сте љубители на вино, вашата трпеза е доволно пространа и верувате дека ефектен лустер дополнително би ја направил впечатлива, ова е еден несекојдневен детаљ во вашиот дом или вински ресторан - лустер од вински шишиња.

Поради специфичноста во изработката и просторот кој го зафаќа можеби најидеално место му е во винарии и ресторани, но доколку сте вистински вљубеници и доволно храбри, може да го направите и за во вашиот дом.

Само запаметете, доколку немате претходно искуство со електрична енергија или сечење стакло, неопходно е да побарате стручна помош.

Потребно е да извлечете кабли како спроводници на енергија, кои се обложени со заштитна обвивка која спречува несакани опасности.

Потребни ви се барем 3 стаклени шишиња кои ќе ги пресечете на половина и ќе го искористите горниот дел, така што низ тесниот отвор на шишето ќе протнете еден од каблите.

На кабелот треба да се поврзе фасонка и на неа да се наврти сијалица. Доколку е добро спроведена електричната енергија, штом ја навртите сијалицата би требало да светне.

Истата постапка треба да ја направите и со останатите шишиња и сијалици. На крајот спојте ги каблите во еден сноп и прицврстете ги. Еве каков резултат ќе добиете:

• 
• 
• 
• 
• 
• 
•