Разголена, едноставна и креативна порака за шефот: Давам отказ!

Ако ви е досадна работата или сте премногу зафатени и немате време за ништо друго, можеби е време да дадете отказ.Без разлика на платата, понекогаш слободното време нема цена.

Тоа го сфатила и младата белграѓанка Катарина Јовановиќ (26) која била културолог по занимање, но работела досадна канцелариска работа, за која земала добра плата.

Сепак, тоа ѝ го одземало целото слободно време. Немала никакви несогласување со шефот или колегите, но решила на интересен и атрактивен начин да даде отказ.

Се соблекла целосно гола и само со една мушама на која со големи букви било напишано „Давам отказ“ се покрила во вид на кратко фустанче.

Направила фотографии и си напишала барање за отказ кои ги ставила во коверт и му ги оставила на шефот. Откако го видел она што било внатре, тој ја повикал да даде отказ.

Таа смета дека ваквата постапка не е најпаметна, но смета и дека е доволно млада за да направи нешто така откачено.

Инаку, на овој начин таа се спротивставува на капитализмот и начинот на работа кој е максимално исцрпувачки, особено за жените.

Верува во природата и верува дека човекот може да си го обезбеди она што му е потребно. Таа е веган и сака да има сопствена градина и да се храни здраво.

За ова што го направила има поддршка и од родителите и од пријателите. Има дури и идеја да отвори Агенција за давање откази.