Трикови за одржување на свежината во автомобилот

Одржувањето на свежината и пријатниот мирис во автомобилот за време на летните денови со високи температури претставував вистински предизвик.

Доколку постојано патувате и долго време поминувате во автомобилот, подобро е да искористите некој од следниве  трикови за да ја одржите свежината.

Искористете ја миризливата сол по капењето

Ставете неколку лажички миризлива сол за капење во цедалка за чај, па ставете ја во фиоката на автомобилот каде ви стојат личните документи. Секојпат кога ќе ја отворите пријатен бран свежина ќе го рашири мирисот во автомобилот.

Сами направете си миризлива свеќа

Мирисот на вашиот дом може да го понесете со себе. Својата омилена мирисна свеќа иситнете ја и помешајте ја со ливчиња лаванда и неколку каранфилчиња, па ставете ги во тегла. На капачето направете дупчиња низ кои ќе се шири мирисот. Теглата ставете ја на погодно место, така што постојано го чувствувате пријатниот мирис.

Со зачини против непријатниот мирис

На задното седиште може да ставите гранчиња босилок и рузмарин. Свежите билки замотајте ги во весник и оставете ги да се исушат за време на возењето. Неколку пати отворајте ги прозорците за на тој начин мирисот на билките да го уништи непријатниот застоен мирис во автомобилот.

Шејк од лимон и етерично масло за долготрајна свежина

Исцедете лимон во стаклено шише, па додајте неколку капки етерично масло, добро промешајте и капнете на подот од автомобилот. Шишенцето чувајте го и повторно капнувајте одвреме-навреме. На тој начин мирисот подолго ќе се задржи.