Разни нации-разни пцовки

Психолозите тврдат дека врз основа на содржината на пцовките може да се направи каталог на она кое луѓето го презираат. Тоа можат да бидат...

 

...телесни карактеристики, морални или душевни дефекти, асоцијално однесување, особините како страшливост или избувливост, начините на однесување како гордоста или вообразеноста, или нечистотија во буквална или преносна смисла.

Пцовките постоеле уште во стариот Египет, каде “најсочните изрази“ се вклесани во ѕидовите на пирамидите.

Многу психолози сметаат дека пцовката е израз на нашата немоќ и тврдат дека пцуењето претставува негативно емоционално однесување и недостаток на емоционална интелегенција.

Лингвистите тврдат дека, на пример, Англичаните користат 7.500 пцовки, Унгарците околу 5.000, додека Србите се користат со само 4.000.

Шпанците најчесто ги употребуваат навредите кои се однесуваат на членовите на семејството, Холанѓаните навредуваат со пцовки кои алудираат на постоењето одредени болести, а Германците споменуваат делови од телото и нивни функции, и многу често користат зборови во врска со измет.

„Пцујам често. Зависи каде се наоѓам. Не можеш секаде да пцуеш. Шефот не можам да го пцујам“, вели една млада Французинка.

Раширено е мислењето дека Германците не пцујат многу, или уште поточно, дека изборот на пцовки не им многу голем.

Рахел е согласна: „Имам впечаток дека сме малку поневини во пцуењето од Италијанците или Шпанците. И ние пцуеме, но странците имаат многу „помрсни“ и поубави пцовки. Ние сме ограничени, ама сепак е забавно“.

Ако сакате да пцуете, а немате каде, во Германија можете да повикате телефонски број кој овие денови се рекламира на Интернет на следниов начин:

„Не можете поповолно! Ослободете се од фрустрации! Ви пружаме можност да нè пцуете за вообичаената цена на еден повик, без последици. Гарантирано слушање! Вашите пцовки ќе стигнат до таму каде што се наменети. Кај нас вашите пцовки се во најдобри раце! Ако тоа го правите на улица, со пријателите, познаниците или роднините, тоа обично излегува поскапо. Ние им се радуваме на вашите пцовки.“

На една интернет страница се рекламира и училиште за пцуење.

Лекциите гласат: Што полично, тоа подобро; Користи соодветни придавки; Користи оригинални и посебни пцовки; Биди спремен за контра-напад и слично.