Генијален татко: Како се казнува ќерката која лаже за годините, има момче и таен профил на Фејсбук?

Денес речиси секој има Фејсбук профил, дури и најмалите деца повеќе знаат да пишуваат на тастатурата отколку во тетратката. Родителите се обидуваат да им го ограничат пристапот до интернет, но некои од нив се поснаодливи, па имаат и тајни профили.

Она што е пострашно, а што децата не го сфаќаат така е кој сè може да ги злоупотреби нивните фотографии, лични податоци или да стапи во контакт со нив.

На почетокот сето тоа се чини интересно, но големи се опасностите кои се закануваат.

Во слична ситуација се нашол еден татко кој дознал дека неговата 10-годишна ќерка има таен профил на Фејсбук, но и на други социјални мрежи, каде што лаже дека има 15 или 18 години, а има и момче со кое постојано се гледа.

За да ја казни тој смислил генијална идеја. Купил десетина розеви маички и дуксери на кои испечатил „Имам 10 години“ и „Јас сум 5-то одделение“, ѝ купил розев ранец со барбика и сам ѝ направил фризура со плетенки и розеви шноли која одговара на нејзината возраст.

Таква ја однел на училиште, но претходно и ја фотографирал, а фотографијата ја објавил на неговиот профил.

За само неколку часа фотографијата ја лајкнале околу 250.000 луѓе и се проширила насекаде.

Што мислите, добро постапил?