Брзи трикови кои ќе ви го олеснат секојдневието во канцеларија

Канцеларијата ви е претрупана? Секојдневно се мачите и губите време барајќи си ги најосновните ситници? Овие 8 трикови ќе ви помогнат да си го олесните секојдневието.

1. Залепете неколку лименки или тегли во облик на пирамида и обојте ги. Во нив може да ги чувате најосновните ситници како фломастери, пенкала, клучеви, ливчиња...

2. Кутијата од чевли, наполнета со обоени картони од тоалетна хартија може да ја има истата функција.

3. Ако немате табла за потсетувања на ѕидот, закачете ролна хартија која постепено ќе ја полните. Старите забелешки одат во долната ролна, а чистиот дел е горниот.

4. Фиоките преградете ги со подебел картон за да го избегнете хаосот од гумички, спојувалки, стикери...

5. Таблата за состаноци секогаш можете да ја замените со 5 или 6 (зависно од работните денови) метални шипки закачени на ѕидот. Залепете го работниот ден, купете магнети со бројки и имате листа на задачи и состаноци кои никогаш нема да ги заборавите.

6. Уште полесна варијанта со истата намена е оптегнатото јаже со украсни штипки.

7. Средете го нередот од кабли и приклучоци на брз и лесен начин.

8. Калапите за мраз искористете ги за организација на најситните спојувалки и боцки за табла.