Продавниците за облека ве залажуваат со огледала кои ве прават послаби

Со помош на оптичка илузија, компанијата „Skinny Mirror“ во Калифорнија произведува огледала кои може да ве убедат да купите сè што ќе пробате.

Огледалата со дизајнирани искривени стакла им создаваат на луѓето поинаков изглед, односно им ја стеснуваат фигурата на телото.

На тој начин тие изгледаат послабо кога ќе се погледнат додека пробуваат некое ново парче облека, па многу полесно се решаваат да го купат.

Огледалата се продаваат за цена од $165 долари до $5.500 долари зависно од големината и рамката.

Со тоа што овие огледала прават луѓето да изгледаат послабо, тие почнуваат и да се чувствуваат подобро.

Забележано е дека како резултат на сето тоа значително е зголемена и продажбата во бутиците.

Првпат ова огледало е претставено во јануари 2013 година, но оттогаш има многу голема побарувачка за него.

Сепак, за да нема обвинувања и критики за лаги и измами, на секое огледало стои логото на „Skinny Mirror“ кое укажува за какво огледало се работи, па изборот е на купувачите, на кое огледало ќе сакаат да се погледнат.