Враќање во училиште по распустот: Очекувања vs. реалност (видео)

Зимскиот распуст заврши и време е да се вратите на училишните обврски. Но, не се само обврските во училиштето, туку и дружењето, споделувањето на новости кои се случиле додека не сте се гледале, симпатијата која едвај чекавте да ја видите или смеењето на часовите и низ ходниците.

Колку и да не сакавте да заврши распустот, мора да признаете дека некои работи навистина ви недостигаа.

Можеби веќе и замислувавте како сè ќе се одвива, се разбира, според вашиот план.

Но, реалноста не е баш еднаква со очекувањата.

Замислувате дека кога ќе ја видите симпатијата веднаш ќе седнете до неа и ќе ѝ кажете нешто фино.

Реално, се подготвувате, собирате храброст, се приближувате и повторно кажувате некоја глупост.

Смеењето и озборувањато со другарките низ ходници го замислувате како во тинејџерските филмови, но останувате сами со мобилниот телефон, допишувајќи се на Фејсбук.

Можеби мислевте дека сте созреале многу повеќе, па сте учеле за време на распустот и ќе добиете добри оценки на првите тестови или дека сте станале поорганизирани.

За жал, реалноста е дека не ги ни отворивте книгите, првите оценки сигурно ќе ви бидат слаби, а наместо во организирана папка, сите ливчиња ги ставате во чантата и ви изгледа како корпа за отпадоци.

Уште многу интересни ситуации за очекувањата наспроти реалноста по распустот погледнете во видеото: