Ако зборувате повеќе од еден јазик, попаметни сте од другите

Ако планирате да учите нови јазици, најверојатно не знаете колку тоа може да има позитивно влијание врз вашиот ум. Ова искуство може, всушност, фундаментално да ги смени вашите ментални способности.

Сè поголем број на истражувања докажуваат дека луѓето кои зборуваат повеќе од еден јазик се пофлексибилни и имаат понапредни начини на размислување. Тие се попаметни, покреативни во решавање на проблемите и повеќе одговорни за сопствените емоции и чувства.

Кога можеме да зборуваме повеќе јазици, лесно може да разговараме со странци на нивниот мајчин јазик, го гледаме светот на поинаков начин - на начин на кој и тие го гледаат. Ја гледаме вредноста и важноста на различните перспективи.

Бебињата израснати со два јазика од раѓањето се развиваат побрзо, учат подобро и совршено може да се прилагодат на новите услови.

Едно истражување покажало дека билингвалните луѓе поретко страдаат од болести како деменција и Алцхајмерова болест.

Научниците овој феномен го објаснуваат на следниот начин: бидејќи мозокот е како мускул, со изучување на странските јазици тој се прилагодува на новите (странските) когнитивни светови. Нешто слично како физички тренинг, колку повеќе учите толку пофлексибилен станува вашиот мозок.

Ако децата зборуваат неколку јазици од раното детство, тие се подобро опремени да ги разберат различните идеи и концепти.

Иако не знаеме дали е можно да се живеат два животи во исто време, кога се учат дополнителни јазици, знаеме дека разбирањето јазици може да ни помогне подобро да ги разбереме луѓето кои се различни од нас самите.

М. А. | Црнобело