Инспиративна приказна на манекенката која ја изгубила ногата поради употреба на тампони

28-годишниот модел Лорен Васер го изгубила долниот дел од десната нога во 2012-та година откако доживеала Синдром на токсичен шок од употреба на тампони, но тоа не ја натерало да се откаже од својата кариера.

Сè започнало дента кога од најблиската продавница купила кутија тампони. Се сеќава дека тампоните ги сменила трипати во текот на денот, а на крајот на денот се чувствувала лошо, како да настинува.

Започнале болките, а нејзината загрижена мајка која не можела да ја добие се јавила во полиција за да проверат што се случува. Ја пронашле на подот од нејзиниот тоалет со 41,6 температура и ја однеле во болница.

Тука и откриле дека била на работ од смртта. Органите започнале да откажуваат и добила срцев удар.

Докторите откриле дека станува збор за ретка бактериска инфекција која се пренела преку состојбата попозната како Синдром на токсичен шок која е поврзана со употребата на тампони со брза апсорпција.

Лорен вели дека не се сеќава дека била во кома, ниту пак дека се разбудила со 36 литри течности кои минуваат низ нејзиниот крвоток, а излегуваат црни токсини.

Преживеала, но по инфекцијата добила гангрена по која нејзината десна нога морала да биде ампутирана.

Минатата година таа била дел од кампања на Nordstrom која ја нарекла „нејзината прва вистинска задача која ја вратила во играта“, а овојпат таа повторно зачекорила на модната писта за дизајнерската куќа Chromat за време на Модната недела во Њујорк.

Овогодинешната ревија на Chromat покрај овој модел била уникатна и во останатиот избор на модели:

Н. Г. | Црнобело