7 трикови кои ќе ви помогнат да изгледате поубаво на фотографиите

Многу луѓе се убедени дека секогаш изгледаат ужасно на фотографиите и затоа прават сè што можат само за да избегаат од застанувањето пред апарат.

Но, сепак малкумина знаат дека тајната на они кои секогаш изгледаат убаво на фотографиите се крие во наоѓањето на вистинската поза на телото.

Саманта Сајмондс, спикер во „Sky News“, открива некои од триковите со кои таа изгледа убаво пред камерите секој ден. Тоа се едноставни, но многу ефективни трикови кои ќе ви бидат од голема корист следниот пат кога ќе помислите да го избегнете фотографирањето.

1. Одберете ја подобрата страна

Речиси сите имаат асиметрично лице. Затоа треба да откриете која страна ви е „поубава“ и секогаш свртете ја таа страна кон апаратот.

2. Усовршете го погледот

„Обично се обидувам да имам изглед кој кај луѓето дава чувство на пријатност, па затоа ги кревам веѓите нагоре. Сепак мојот камерман вели дека така изгледам страшно и несигурно“, изјавува Саманта. Затоа застанете пред огледало и вежбајте го погледот кој ја пренесува пораката која сакате да ја пренесете.

3. Не се смејте премногу

Преголемата насмевка може да изгледа неприродно и неискрено, а и ретко на кое лице одговара убаво. Воздржаната насмевка може да го направи лицето многу поатрактивно и да ги скрие несаканите брчки.

4. Истенчете го лицето

За да го намалите просторот кој лицето го зафаќа на фотографијата држете се до овие две едноставни правила: свртете ја „поубавата“ страна под агол од 30 степени во однос на апаратот и ставете го јазикот во задниот дел на горното непце. Тоа ќе помогне лицето да ви изгледа потесно.

5. Заборавете на „duck face“

Ако сакате да изгледате убаво, заборавете на овој смешен тренд. Многу поубаво и поприродно изгледа кога кога вашите усни ќе ги поставите како да треба да бакнете некого.

6. Подигнете го апаратот

За да добиете добра слика треба секогаш да бидете малку пониско од апаратот за погледот да ви биде упатен нагоре, но сепак тоа да биде минимално и да не мора да го тегнете вратот.

7. Држете ја брадата секогаш крената

Кога се сликате во профил, благо кренете ја брадата. На тој начин вашиот лик ќе има поголема експресивност. Тоа исто така ќе го направи вашиот врат потенок, а образите повисоки.

М. С. | Црнобело