Зошто Данците се најсреќниот народ на светот?

Данците се неверојатно горди на фактот што се прогласени за најсреќната нација на светот.

Нивната влада се залага за работна недела од 37 часа, задолжителна пауза за ручек, најмалку 5-неделен платен годишен одмор, продолжено и платено породилно отсуство, како и флексибилни распореди за работа од дома и добивање детски додаток.

Благодарение на тоа, Данците поминуваат помалку од третина од своето време во извршување на работните задачи, а сепак нивната продуктивност и ефикасност е поголема од повеќето членки на ЕУ и САД.

Па, во што е тајната?

1. Работниците ја добиваат целата доверба дека добро ќе ја извршат работата

Работната недела во Данска трае 37 часови и за тоа време луѓето се трудат да бидат што е можно попродуктивни, наместо да изнаоѓаат секакви можни начини како побрзо да им помине времето и да си отидат дома.

Тие одговорно и совесно ги работат задачите кои им се доделени и целосно преземаат одговорност за тоа кое го сработиле. На крајот од работното време сите си заминуваат дома, од директорот до портирот, бидејќи сметаат дека само на таков начин можат да го дадат најдоброто од себе.

2. Семејството е важно

Данците не се срамат да го стават семејството на прво место, а на листата на приоритети им е носењето на детето на лекар, земањето од градинка или училиште и други слични домашни обврски.

Освен тоа, грижата за деца се одбива од данокот, а државата обезбедува средства за помош на старите лица. Грижата за семејството го опфаќа и образовниот систем. Во центарот на образовниот систем на Данска е ставено детето и неговите потреби, па според тоа се изготвуваат посебни програми за настава.

3. Освен работата, подеднакво е важен и одморот

Многу работа значи и многу стрес, што носи со себе и повеќе здравствени проблеми, а помала ефикасност. Истражувањата од друга страна покажуваат дека одморот му овозможува на мозокот поголема креативност, а оттука годишниот одмор не е никаков луксуз, туку нешто кое е навистина потребно и корисно.

Данците се држат до девизата „Среќен работник е и добар работник“.

М. С. | Црнобело