Запросување со пенлива купка (фото)

Празниците се одлично време за поставување на големото прашање на вашата избраничка, без оглед дали тоа вклучува романтично возење на рингишпил само за вас, посебно изработен сладолед бидејќи и двајцата го обожавате или романтична вечера на некое посебно место.

Факт е дека луѓето измислуваат сè поневеројатни начини за да го постават ова важно прашање.

Девојката добила пенлива купка за бањање од нејзиното момче за Божиќ, која конечно решила да ја искористи дури на 30 декември – веројатно на негово барање.

„Мила, наполни ја кадата со вода и опушти се. Изгледаш напнато. И искористи ја купката што ти ја подарив.“ – биле неговите зборови.

Но, откако купката се растопила таа забележала дека нешто лебди на површината.

Во посебен пластичен дел се наоѓал дијамантски прстен, кој штом го видела - ѝ станало јасно.

„Pearl Bath Bombs“ е всушност компанијата која стои зад ваквите интересни запросувања.

Купките се изработуваат во најразлични бои и мириси а цената за истите се движи меѓу 14,95- 44,95 долари.

Имајќи го предвид фактот дека вршат испорака насекаде низ светот, момци еве ви идеја за романтично запросување на вашата девојка.

М. С. | Црнобело