5-те најтешки јазици во светот за учење – знаете ли некој од нив?

Велат дека не секој поседува талент за учење и зборување странски јазици. Но, да не се лажеме, од еден до друг јазик има огромна разлика. Не е никакво чудо што кинескиот јазик е најголем предизвик за совладување, дури и за најголемите полиглоти.

Дознајте кои се останатите најтешки јазици за зборување и пишување во светски рамки:

Кинески јазик

1/5 од вкупната светска популација го зборува кинескиот јазик, факт што не го прави нималку едноставен за учење. Стандардниот кинески јазик се зборува во Народна Република Кина, Република Кина (Тајван) и Сингапур. Говорниот кинески јазик се одликува со голема внатрешна разнообразност, каде што постојат од 6 до 12 регионални групи на кинески јазик, а најдоминантна е мандаринската верзија.

Арапски јазик

Денешната структура на арапскиот јазик води потекло од класичниот арапски кој се зборувал во текот на 6-иот век. Литературната форма се нарекува стандарден арапски јазик и е единствена официјална форма која се користи во пишаната комуникација, медиумите, образованието итн. Како дел од семитските јазици, арапскиот е најсроден со хебрејскиот јазик.

Виетнамски јазик

Националниот јазик на Виетнам претставува и првиот избор за зборување за голем дел од етничките малцинства во државата. Виентамскиот речник има позајмени зборови од кинескиот јазик, но денешната виетнамска азбука има латинична основа, со додатоци од дијакритички знаци за различни тонови.

Тајландски јазик

Популарно нарекуван уште и тајски јазик или сијамски, овој комплициран јазик припаѓа во групата на крадајското јазично семејство (тај-кадај). Тонски и аналитичен, тајскиот јазик се одликува со сложен правопис и разни зборови за односно означување.

Исландски јазик

Овој јазик е сличен со фарскиот и западните дијалекти на норвешкиот јазик. Граматичките правила му се слични со оние на латинскиот јазик, односно старонорвешки и староанглискиот јазик, со употреба на деклинации на именките.

(О)Милена | Црнобело