11 трикови на локалите преку кои несвесно трошите повеќе

Рестораните, кафулињата, пекарите и сите останати локали за храна и пијалаци не се грижат само да им се вратите повторно, туку и да го извлечат максимумот од вашата нарачка.

За таа цел, користат неколку трикови кои никогаш нема да ви ги признаат:

Мени за сите

Кога менито нуди нешто за „сечиј карактер“, на психолошки трик ги тера луѓето да не излезат од таму гладни и жедни.

Музика

Докажано е дека повеќе јадеме кога слушаме музика или гледаме телевизија. На пример, класичната музика ги тера муштериите да јадат 10% повеќе.

10% од оброкот

Повеќето клиенти немаат проблем да нарачаат додаток кој чини „ситно“, а додава одличен вкус. Па, затоа сосовите обично чинат 7 – 10% од еден просечен оброк, за никогаш да не можете да одбиете.

Компактно мени

Преголемиот избор може да ги збуни гостите. Трикот е во менијата на една страна, со големи букви и илустрации.

Позитивно расположение на келнерите

Сосема логично, многу поголеми се шансите да нарачате нешто плус од позитивниот келнер, отколку од келнерот кој одбива да ве погледне во очи.

Создавање легенда и приказна

„Муабетот“ е најдобрата реклама. Па, ако кажете дека нешто е направено по оригинален рецепт од Полска или Италија, или пак тврдите дека храната се прави по семеен рецепт чуван со години, слободно може да ја покачите цената над просекот.

Екстра понуда

Келнерите по автоматизам ви го нудат најголемото кафе и пиво и прашуваат дали сакате екстра додатоци со весел тон. На тој начин ве ставаат во позиција да не можете да кажете не, туку по автоматизам да се согласите. Плус, никој не би нарачал нешто што во името содржи „обично“ или „мало“.

Користење на репутацијата на готвачот

Секој „специјалитет на готвачот“ ќе се издвои во очите на гостинот.

Маркетинг преку ароми

Факт е дека мирисот е најдобриот маркетинг кога се работи за храна. Ванилата и циметот помагаат за полесна продажба на десерти, додека мирисот на сланина ги тера луѓето да порачаат пообилен појадок. Лавандата обично ги тера гостите да се смират, да не брзаат, да останат подолго и со тоа да потрошат повеќе.

Кревање на валканите чинии

Келнерите не „трчаат“ да ги кренат валканите чинии бидејќи сакаат, туку заради трик. На тој начин нема да знаете колку точно сте изеле и нарачале, па никогаш нема да нарачате уште едно чинивче плус.

Манипулација со ситни пари

Ретко кој ги собира ситните пари од маса, па тоа значи поголем бакшиш.

М. Д. | Црнобело