Одлично зборувам германски и француски: За што најчесто лажат луѓето на интервју за работа?

Општо познато е дека сите ја извртуваме вистината на нашите кратки работни биографии и на интервјуата за работа. Некои повеќе, некои помалку, но сите ги „филуваме“ деталите за да ја добиеме посакуваната работна позиција.

Никој нема да признае дека го отпуштиле од претходната работа бидејќи нон-стоп доцнел или правел паузи подолги од дозволеното. Сепак, не треба да се претерува со лажењето бидејќи порано или подоцна вистината излегува на виделина.

Според најновото истражување кое го спроведе компанијата за истражување на пазарот You Gov, кандидатите на интервју најчесто лажат за нивното образование.

40% признале дека ги разубавиле фактите за образованието, од оценки до степенот на образование. Некои велат дека магистерската им е во тек или дека биле одлични во средно, а често се лаже и за познавање на некој странски јазик.

35% од испитаниците лажеле за тоа колку време поминале во одредена компанија, а 30% за степенот на искуство што го стекнале на претходните работни места.

Постојат и луѓе кои отворено кажуваат имиња на претходни шефови и даваат телефонски броеви за препорака. Тие броеви се всушности броеви на нивни пријатели кои би лажеле во нивно име, ако некој се јави за да праша дали кандидатот на интервју се покажал како добар вработен на некоја претходна работа.

Само мал процент на луѓе лажеле за нивната возраст, а дури и за нивното име и презиме.

Сепак, убаво размислете пред да напишете некоја лага во вашето CV што лесно може да се открие. Немојте отворено да лажете на интервјуата, особено за важни работи, за да спречите проблеми кои би можеле на настанат во иднина.

М. В. | Црнобело